Na jaane kyun....

Zakm gin raha tha aaj, apne jigar ke //
Na jaane kyun tum, yaad beshumaar aaye....

Ek butt banane baitha, patthar taraash ke //
Na jaane kyun phir tera, chehra nazar aaye...

Do pal ko saans leta, dhadkan sambhaal ke //
Na jaane kyun teri, khushbu hawa mein aaye...

Kaanto se bachke chal diya, daaman nikaal ke //
Na jaane kyun ye kaliyaan, lipti chali aaye...

Kuchh door hi chalaa tha, raasta talaash ke //
Na jaane kyun qadam phir, teri gali le aaye...